 |
|
|
|
Gaatjies in die Hemel se vloer |
|
“Rig julle gedagtes op die dinge wat daarbo is, nie op die dinge wat op die aarde is nie,”
(Kol 3:2, Afrikaans 83 ).
Ek en Jannie hou baie daarvan om in die aand op die plaas te lê en sterre kyk, en dit is dan wanneer ons ure lê en gesels. Elke keer as ons so na die sterre kyk, dink ek aan ‘n storie wat Billy Graham vertel het. Hy vertel van ‘n dogtertjie wat saam met haar pa in die aand buite gestap het, en toe sy opkyk na die sterre gesê het: “Pappa as die agterkant van die hemel so mooi is, dan is dit seker baie mooi in die hemel.”
Ek dink ook altyd terug aan my eie prentjie van die hemel toe ek klein was. Ek het my altyd verbeel die swart is die hemel se vloer en die sterretjies is gaatjies in die vloer waardeur die hemel se lig skyn. Ek het dan intens probeer kyk of ek nie dalk ‘n engel of vir Jesus deur die gaatjie kon sien nie.
Randy Alcorn skryf in sy boek Heaven: “We’re told how to get to heaven, and that it is a better destination than hell, but we’re taught remarkably little about Heaven itself.”
Hy skryf verder: “ … in order to get a picture of heaven – which will one day be centered on the New Earth – you don’t need to look up at the clouds, you simply need to look around you and imagine what all this would be like without sin and death and suffering and corruption.”
Kan jy jou indink hoe mooi die aarde voor die sondeval was? Ek wil jou uitnooi om saam met my te begin uitsien en droom oor die plek waarheen ons op pad is. Mag die sterre ons altyd herinner aan die ewigheid wat vir ons wag.
Retha de Villiers
|
|
|
|
|
|
Van die Direkteur se lessenaar
|
|
|
Wanneer seisoene verander
Verandering is deel van die lewe. Soms verwelkom ons dit. Soms weerstaan ons dit en ander kere, as ons eerlik is, beleef ons ’n bietjie van albei.
Terwyl ek ’n nuwe seisoen as direkteur van Revive Our Hearts South Africa betree, ervaar ek ’n mengsel van emosies: dankbaarheid, opgewondenheid, nederigheid en ja, ook ’n bietjie onsekerheid.
Daar is iets diep betekenisvol daaraan om in ’n rol in te tree wat deur iemand wat jy ken en liefhet, gevorm is. Vir baie jare het Retha en die baanbrekervroue die visie van Revive Our Hearts South Africa getrou gedra. Hulle het vroue bymekaargebring, verhoudings gebou, deure oopgemaak, deur uitdagings heen gebid en God in elke seisoen vertrou. Dit is iets wat ek nie ligtelik opneem nie.
Daar is oomblikke wanneer ek die gewig daarvan voel om in die voetspore te volg van iemand wat soveel van haarself in die bediening gestort het. Daar is ook oomblikke wanneer ek wonder of ek genoeg sal wees. Miskien voel baie van ons so wanneer die lewe ons vra om iets nuuts aan te pak. Die Bybel is vol mense wat soortgelyke oomblikke beleef het.
Josua het langs Moses gestap en sy leierskap aanskou, maar toe die tyd aanbreek, moes Josua op sy eie manier leiding neem. God het hom nie gevra om nog ’n Moses te word nie. Hy het hom eenvoudig geroep om in die volgende seisoen getrou te wees. Miskien is dit waarom God herhaaldelik vir hom gesê het: “Wees sterk en vol moed” (Josua 1:6–9 ). Moed is nie die afwesigheid van vrees nie. Soms is moed eenvoudig om die volgende tree te gee terwyl ons vertrou dat God reeds daar is.
Elisa het die plek van ’n gerespekteerde leier ingeneem. Hy het Elia geëer, maar sy bediening was nie ’n presiese weergawe van Elia s’n nie. Die mantel het voortgegaan, maar die persoon wat dit gedra het, was anders (2 Konings 2:9–15). Hierdie waarheid bring vir my vertroosting. Om dit wat was te eer, beteken nie dat ons dit presies moet probeer herhaal nie.
Dawid het Salomo vir leierskap voorberei, en toe Salomo die verantwoordelikheid daarvan besef, het hy God om wysheid gevra (1 Konings 3:5–12 ). Hy het nie voorgegee dat hy al die antwoorde het nie. Ek ook nie!
My gebed in hierdie seisoen is eenvoudig: “Here, gee my wysheid. Help my om goed te luister. Help my om getrou leiding te gee. Help my om dit wat U reeds begin het, te eer, terwyl ek oop bly vir dit wat U nog wil doen.”
Verandering is onvermydelik en ons ervaar dit in ons huise, verhoudings, kerke en werkplekke. Ons kan nie altyd kies wanneer ’n seisoen verander nie, maar ons kan kies hoe ons op die verandering sal reageer. Vir my beteken om verandering te omhels nie dat ek die verlede vergeet nie; dit beteken dat ek die lesse, getuienisse en bewyse van God se getrouheid daarvan saam met my die toekoms in dra.
’n Nuwe seisoen het aangebreek, en ek het dalk nie al die antwoorde nie, maar ek ken die Een wat dit wel het; en dit is genoeg.
Vriendelike groete
Theresa Rabie
|
|
|
|
|
|
|
Ons nuwe webwerf is hier!
|
|
|
|
|
|
Ons is verheug om jou by die herskepte Revive Our Hearts South Africa-webwerf te verwelkom!
Ons opgedateerde webwerf is ontwerp om vroue te help om geestelik te groei en in Christus te floreer. Dit bied ’n vars en uitnodigende ruimte waar jy Bybelse bemoediging, betroubare hulpbronne en praktiese hulpmiddels vir ’n opregte Christelike lewenswandel kan ontdek.
Of jy nou op soek is na Bybelstudies, artikels, oordenkings, uitdagings of geleenthede om by ons bediening betrokke te raak, nooi ons jou uit om alles wat die nuwe webwerf bied, te verken.
Besoek ons vandag en ontdek wat nuut is!
|
| Besoek Ons Webwerf Hier |
|
|
|
|
|
Nuwe hulpbron: What is a woman? deur Mary Kassian
|
 |
Wat is ’n vrou?
Dit is ’n vraag wat ons kultuur sukkel om te beantwoord. Maar die waarheid het nie verander nie. Van die heel begin af is die Skrif duidelik oor wie vroue is en waarom hulle saak maak. Boodskappe kom van alle kante af: wat ons wêreld sê ’n vrou behoort te wees, hoe sy behoort te leef en wat haar behoort te definieer. Dit is maklik om oorweldig te voel deur standaarde wat nooit werklik bevredig nie.
God se Woord bied iets beters. Sy ontwerp vir vroue is nie verwarrend of beperkend nie; dit is asemrowend mooi.
Dit is waarom Revive Our Hearts bestaan: om vroue terug te roep na God se Woord en na die skoonheid van Sy ontwerp. In haar kragtige nuwe boek, What Is a Woman?: The Question Our World Is Afraid to Answer, nooi Mary Kassian lesers uit om die skoonheid, doel en vryheid te ontdek wat in God se ontwerp vir vroue gevind word.
Kyk na hierdie kort video van Mary: |
| What is a Woman? |
|
|
Om jou digitale kopie te ontvang, volg asseblief hierdie eenvoudige stappe:
1. Maak ’n minimum skenking van R250 per EFT na die volgende bankrekening:
Bank: ABSA
Rekeningnaam: Revive Our Hearts South Africa
Rekeningnommer: 4093005837
Rekeningtipe: Tjekrekening
Takkode: 632005
2. Gebruik die volgende betalingsverwysing:
Woman [Jou voorletter en van]
Voorbeeld: Woman RBOAZ
3. E-pos jou bewys van betaling vanaf jou eie e-posadres na sainfo@reviveourhearts.co.za.
Hierdie e-posadres sal gebruik word om jou elektroniese kopie aan jou te stuur. Sodra jou betaling bevestig is, sal ons jou digitale hulpbron so gou moontlik per e-pos aan jou stuur.
Vir addisionele gratis hulpbronne, volg die skakel hier onder.
|
| Gratis Hulpbronne |
|
|
|
|
|
Geroep om te floreer |
 |
|
Het jy al ooit ’n boek gelees en geweet dat die inhoud daarvan die potensiaal het om baie mense se lewens te anker of rigting te gee? Só voel ons oor die nuutste Revive Our Hearts-boekie wat in Augustus 2026 gepubliseer is. Die naam van die boekie sê alles.
Geroep om te floreer weerspieël die hart van Revive Our Hearts: om vroue uit te nooi om evangeliese verandering te ervaar deur vryheid, vervulling en vrug in Christus.
Gegrond op Nancy DeMoss Wolgemuth se Bybelse onderrig, ondersoek nege kort Skrifgebaseerde oordenkings wat dit beteken om vry te leef van dit wat ons verstrik, vervul te wees met die Gees en blywende vrug tot eer van God te dra.
Dit is die gebed van ons harte om hierdie klein boekie gratis in die hande van soveel as moontlik jong meisies te kry. Die inhoud van die boekie is eenvoudig maar kragtig, en het die potensiaal om enige vrou op haar lewenspad vorentoe te help. Daar is so ’n groot verskil tussen om werklik te floreer en om bloot te oorleef, en ons weet dat duisende vroue hulle in omstandighede bevind waar hulle maar net probeer oorleef.
Ons wil jou graag uitnooi om deel te word van die THRIVE-projek. Hier is ’n paar maniere waarop jy betrokke kan raak:
1. Skep ’n geleentheid waar die WOORD aan jong meisies bedien kan word. Tydens so ‘n geleentheid kan daar vir hulle gebid word en vir elkeen ’n boekie gegee word. Voorbeelde van sulke geleenthede is:
-
’n gebedsbyeenkoms voor die eindeksamen by ’n skool;
-
’n damesaand by ’n skool;
-
’n jeugbyeenkoms by ’n kerk;
-
familiebyeenkomste, of vele ander moontlikhede.
Iemand uit die skoolgemeenskap kan ook gevra word om ’n boekie vir elke meisie te borg. Die koste van 'n boekie is R20. (Ons maak geen wins op die boekie nie.)
2. Koop self ’n aantal boekies en versprei dit.
3. Oorweeg asseblief biddend om ’n donasie aan die projek te maak. Alle donasies wat met “THRIVE” gemerk word, sal aangewend word om meer boekies te druk sodat ons dit aan soveel as moontlik meisies kan gee. Ons gebed is dat dit ’n voortgaande projek sal bly.
4. Vertel jou Bybelstudiegroep of vriende van die THRIVE-projek, en maak as groep ’n donasie of koop boekies vir die meisies in julle omgewing.
5. Bid asseblief saam met ons dat die jong meisies van ons land in Christus sal floreer en dat die projek sal groei en baie vrug sal dra.
|
|
|
|
|
|
Into His Presence - ‘n Aanbiddingsgeleentheid |
|
|
Op Saterdag 12 September het ons in Pretoria bymekaargekom vir ’n besondere aanbiddingsgeleentheid. Die hart van die oggend was om saam voor die Here te kom in sang en lofprysing – ’n eenvoudige maar diep betekenisvolle manier om Hom te dank vir 10 jaar van bediening.
Die oggend het begin met ’n kort terugblik op die afgelope 10 jaar, waarna ons eerste aanbiddingstyd gevolg het. Daarna het Jackie Arndt ’n boodskap met die tema “Oorwinnaarsklere vir ’n verslae gees”, gebaseer op Jesaja 61, gedeel. Sy het die betekenis van lofprysing en aanbidding vanuit die Woord belig en gewys dat ware aanbidding ons na ’n lewe van oorgawe lei – ’n lewe wat telkens sê: “Ja, Here!”
Dit het natuurlik oorgevloei in ons tweede aanbiddingstyd. Ons het met ’n hernieude hart van oorgawe en hoop gesing. Toe die handgemaakte aanbiddingsvlae omhoog gelig is, het die hele saal amper soos ’n stukkie hemel gevoel. Dit was ’n besonder mooi en onvergeetlike oomblik.
Ons het ook na getuienisse van Dudu Masedi en Theresa Rabie geluister. Hulle verhale het baie harte bemoedig en ons opnuut na Christus gewys – ook te midde van die uitdagings en moeilike tye van die lewe.
Retha de Villiers het die oggend afgesluit deur ’n besonderse geleentheid te skep waar die ouer generasie met die jonger generasie ‘n persoonlike getuienis kon deel en vir hulle kon bid.
Ons viering was werklik besonders! Ons het wonderlike terugvoer van diegene wat dit bygewoon het, ontvang. Ons gee aan God al die eer vir die voorreg om Sy Naam deur sang en aanbidding te verhef, vir die lewens wat deur die bediening aangeraak is en vir 10 jaar van Sy troue leiding en genade.
Met dankbaarheid vir die afgelope 10 jaar sien ons met groot verwagting uit na die volgende seisoen – vol vertroue dat Hy ons sal lei op die pad vorentoe.
|
|
|
|
|
|
|
|
|
 |
|
Read Through The Bible: Terugvoer en statistiek
Lees jy nog saam met ons deur die Bybel?
Lees deur die Bybel is meer as net ’n daaglikse Bybelleesplan. Dit is ’n uitnodiging om God se Woord getrou oop te maak, die ontvouende verhaal van die Skrif beter te verstaan en saam met vroue regoor die wêreld te groei in jou kennis van en liefde vir Hom.
Op 29 September blaai ons van die Ou Testament na die Nuwe Testament en ontmoet ons die Een na wie die hele verhaal nog altyd gewys het.
As jy nog nie saam met ons lees nie, kom sluit vandag by ons aan in Matteus! Maak God se Woord saam met vroue regoor die wêreld oop, ontmoet Jesus op die bladsye van die Evangelie, en begin hierdie nuwe hoofstuk vandag saam met ons.
Hier volg interessante statistieke van regoor die wêreld:
'n Totaal van 30 141 e-posse is in September daagliks per e-pos uitgestuur.
|
 |
|
Study Through The Bible:
Study Through the Bible is deel van Revive Our Hearts se Wonder of the Word-inisiatief—’n jaarlange reis deur die hele Bybel saam met Nancy DeMoss Wolgemuth, van Genesis tot Openbaring. Die program bestaan uit 260 onderrigsessies wat vroue help om die groter prentjie van die Bybel raak te sien: hoe alles saamhang, hoe die verhaal van verlossing ontvou, hoe dit na Jesus wys en hoe God se Woord ons lewens verander. Die onderrig word tans in verskeie tale voorberei om vroue wêreldwyd te help om God se Woord beter te leer ken, lief te hê en daarvolgens te leef.
Revive Our Hearts South Africa werk daaraan om Nancy se onderrig teen 2027 in Afrikaans beskikbaar te stel sodat nog meer vroue in Suid-Afrika deur hierdie Bybelonderrig toegerus kan word.
Vordering tot op datum:
|
 |
|
|
|
|
 |
|
Vir jare het Dudu ’n diep begeerte gehad om te sien dat moeders wat tuisonderrig doen, bymekaarkom om saam te bid, maar sy kon nooit ’n bestaande groep vind nie. Ná jare se gebed het God die deur oopgemaak vir haar om die visie met verskeie moeders te deel. In April 2026 het die eerste Homeschool Moms Who Pray-groep amptelik begin. Vandag groei die groep; vroue sluit by RTTB aan en neem die moeders toenemend die rol van leierskap op hulself. Dudu beskryf dit as ’n herinnering dat God se Woord nooit leeg na Hom terugkeer nie en dat Hy dikwels lank gekoesterde begeertes op Sy volmaakte tyd vervul.
’n Boodskap van Maureen in George:
Die Holiness-studie was ongelooflik waardevol vir ons groep van 25 vroue wat week ná week saam gestudeer het. Ons het dikwels twee weke aan een hoofstuk bestee omdat daar soveel geestelike voedsel was om te verteer en waardeur ons gevoed is. Ons is dankbaar vir Nancy – ’n godvresende en begaafde vrou wat vroue verstaan en die waarheid verkondig. So pas sy die Woord van die Waarheid toe op harte wat verlang om meer soos Christus te wees.
Die beeld van ons as die bruid van Christus wat haar voorberei vir die bruilofsmaal van die Lam van God, ons Bruidegom, is kragtig en het ’n diep indruk op ons almal gemaak - veral terwyl ons leef met die doel om onsself gereed te maak om ons Here en Verlosser te ontmoet.
Ons kom nou al elf jaar lank weekliks as ’n groep vroue bymekaar wat daarop ingestel is om in genade te groei terwyl ons die Woord bestudeer. Ons het verskeie boeke van Nancy DeMoss Wolgemuth deurgewerk en by elkeen daarvan grootliks baat gevind. Dit is nie maklik om goeie, bekostigbare studiemateriaal in Suid-Afrika te vind nie.
Mag die Here julle in julle bediening seën.
Sharon van Langebaan skryf:
Ons het ons groep begin rondom die Bybelse beginsels van Titus 2:3-5, 10 en die lering van Adorned. Nou, in ons tweede en finale jaar, voordat ons uitbrei om nuwe groepe te vorm, kan ons die pragtige vrug sien van vroue wat doelbewus saam op reis is, saam leer en saam groei.
Ons kom een keer per maand bymekaar, en ten spyte van besige lewens, doen almal moeite om daar te wees – dikwels uit vrees dat hulle iets sal mis! Die wysheid, bemoediging, gedeelde verhale en groei wat ons deur hierdie reis ervaar, is vir ons van diepe betekenis.
Baie dankie vir die harde werk en omgee wat in die totstandkoming van Adorned gegaan het. Ons gebed is dat hierdie groepe sal voortgaan om te vermeerder en vroue in ons kerk en die breër gemeenskap sal aanmoedig om ‘n dissipelskappad te stap.
God seën
Sharon Hendry, Beacon Church, Langebaan
Liewe Vriende,
In 2019 het Revive Our Hearts ’n konferensie in Pretoria, Suid-Afrika, aangebied. Ek het op daardie stadium nog nooit van Revive Our Hearts gehoor nie. As ek maar net geweet het, sou ek vir die konferensie geregistreer het!
Een van die vroue in die span, Meta, is ’n familielid van die hoof van die Teologiese Kollege waar ek en my man dien. Sy was ook ’n vriendin van ’n vriendin in ons kerk. Tydens ’n besoek aan die kollege het sy my van ROH en die konferensie vertel. Sy was baie entoesiasties, maar ek het nie heeltemal verstaan waaroor dit gegaan het nie, en natuurlik het ek nog nooit van ROH gehoor nie.
Die daaropvolgende Sondag het ek Meta weer by die kerk raakgeloop toe sy my vriendin besoek het. Gelukkig het sy vir my ’n bietjie literatuur gegee en nog ’n bietjie meer van ROH vertel. Die literatuur het iewers agter in my Bybel of op my lessenaar beland, waar ek dit neergesit het, en daarvan vergeet het.
Tydens die inperking in 2020 het ek Revive Our Hearts aanlyn opgesoek en begin luister. Omdat ek in my vyftigerjare was en reeds vir baie jare ’n ware gelowige was, was ek verheug om te ontdek dat daar vandag sulke Bybelsgefundeerde onderrig vir vroue beskikbaar is!
Die waarhede was sedert my jonger jare aan my bekend, maar dit word op ’n vars manier aangebied en betekenisvol op die lewe van ’n vrou in die 21ste eeu toegepas. Dit is absoluut kosbaar!
Sedertdien luister ek dikwels na Revive Our Hearts-potgooie terwyl ek met huishoudelike take besig is. Ek is steeds spyt dat ek nie die 2019-konferensie bygewoon het nie en hoop dat daar weer ’n geleentheid sal wees vir Nancy om Suid-Afrika te besoek.
Mag die Here voortgaan om die kosbare bediening van Revive Our Hearts te seën. Mag dit aanhou uitbrei en groei, terwyl dit getrou bly aan Bybelse standaarde en onderrig.
Nou vertel ek dikwels vir vroue wat ek ontmoet van ROH en moedig ek hulle aan om te begin luister!
Wynie Malan, Pretoria, Suid-Afrika
|
|
|
|
Gebed |
|
|
 |
|
|
-
Dankie, Here, vir voorsiening in elke aspek van ons bediening.
-
Bid asseblief vir ons projekte: Wonder of the Word en die Floreer-boekie se verspreiding.
-
Bid vir ons spanlede: vir beskerming, gesondheid, gesinne en tydsbestuur.
-
Bid vir ons personeelberaad wat in November plaasvind.
|
|
|
|
|
|
|
|
|
